"Qatar" Müәllif: Gülzar Quliyeva

Minmişik bir qatara,

Sürәt qatarı...

Kompassız,

Şütüyür dayanmadan, amansız, reyslәr üzәrindә,

Dayanacaqsız...

Gedirik hara, niyә, kimlә?

Fәrqinә varmadan.

Minmişik bir qatara

İstiqamәtini sormadan.

Bizimmi bu qatar, özgәninmi?

Bilәn bir sәrnişin varmı?

Pәncәrә önündә gözәl mәnzәrә -

Dağ, dәrә, dәniz.

Sürәtin hәddindәn mәnzәrәni

görәn, bilәn, duyan varmı?

Qatardan ensәk,

havanı ciyәrlәrimizә çәksәk

tәr- tәmiz.

                    Baş qaldırıb göyә baxsaq,

                    sәma mavi,

                    әtraf gül-çiçәk.

                    Dәrsәk, iylәsәk

                    könlümüz açılar,

                    ruhumuz dincәlәr.

                    Bizsә bundan xәbәrsiz.

                    Dayanacağımız hansı?

                    Bilmirik.

                    Harada enmәliyik?

                            Çatdığımızı

        hardan bilәrik?

        Ömrümüzü belәcә

        sürәt qatarında - yollarda yola verәrik.

        Kamil bir ömür sürmәrik,

        Hara, niyә getdiyimizi hәr zaman bilmәrik.

        Getdiyimiz yerdә fayda görmәrik, fayda vermәrik.

        Nәdәn biz sürәt qatarına qaçarıq?…

        Enmәk vaxtıdır!

0 Şәrh

Şәrh әlavә etmәk üçün sistemә daxil olmalısınız.